三陪?!

近幾年，應該係自從我師傅瑪嘉烈公主轉咗公司後，好耐都冇真情對話過，好日都唔會通電話，揾親我有八成都係叫我幫佢做嘢。今日有幸得到佢邀請我同佢大擦一餐兼且陪瞓，當然奉陪啦！

話說富豪機塲酒店定期都會送房連餐飲券俾各大航空公司，當然係名額有限先到先得啦！咁啱我師傅攞咗間房，我就盡吓孝義陪吓佢囉，哈!

晚餐我哋去咗China Coast Bar & Grill，狂食一餐後，仲話要去Pacific Coffee買件New York Cheese Cake食，唔肥都唔得啦！