是終結...也是開始

願能相愛到永遠...是神的旨意，同樣也是恩賜。

最幸福的事

最幸福的事...將會是怎麽樣...

謝謝你為我加油！

我在小恆的note裡出現了，謝謝你為我加油，也將他所寫的跟友人分享了，你會在以下文字中找到自己嗎？我的確找到自己，也找到一些好友的影子...

你...試過離開你的親人朋友，走到外國。為的是要與一個素未謀面的人相見。
你...被別人拋棄後，傷心過後仍然堅強地下決心獨個兒流浪異國。
你...自從到了外國讀書，習慣了外國的生活，就好像徹底地忘記香港。伴侶在哪兒，你便在哪兒。
你...和你根本沒有發生過什麼事情的朋友，自己想著過往和他自以為是的曖昧，清醒吧可以嗎?
你...被情所傷後，還要含辛茹苦，默默地將自己的收入一大半去供樓，而那前度便逍遙自在。
你...就像溫室小花，自小家人愛護有加，想這樣得這樣，想那樣得那樣。不要再做些令他們擔心的事吧~
你...現在有個好好男友..卻又常常不自覺地想起你的前度，對過往的事如數家珍般...
你...外表開朗，樂觀的形象掩飾得非常好..連我也瞞騙得到..原來妳也有這麼多顧慮。
你...認識了比自己年長的伴侶，感情穩固得卻令人羨慕非常。
你...認識他之前，像隻穿花蝴蝶。現在的你，似什麼? 還在想什麼?
你...年紀輕輕，已經可以擁有一個幸福家庭。關懷備至的老公和一對活寶貝..我看得到你人生燦爛的色彩。
你...心甘情願做別人的第三者，從來沒有過份的要求..只要想簡簡單單的在一起。
你...對朋友總是義無反顧，尤其是對我..就像親人般，對於你的未來，我衷心的祝福妳。
你...花了自己的青春光陰在一個不真實的人身上，其他人不明白你的痛..至少我明。信我，你會得到幸福。
你...從小到大，在我身邊出現過的你..在你們身上，我學到了很多..

我學到了你的衝動、你的不顧一切...
學到了你扭轉生活逆境、堅持和勇敢...
學到了做人應該飲水思源..無論如何，父母始終想自己子女留在身邊。
同時我也學到了母親對自己兒女的忍耐、包容..縱使有多麼想自己的子女留在身邊..
也會放手..讓自己子女找尋自己的幸福，你的母親的偉大，你學到一半嗎?

學到了做人應該腳踏實地，切切實實地去想什麼為之可能，什麼為之不可能。
人生在世幾十年..時間是不應該這樣浪費的..留多一點時間給未來愛你的那個，可以嗎?

學到了你的承擔，沒錯，你確實會自怨自艾..但你頭上那片烏雲已經離你而去，上天還立刻派遣了一個他去拯救你..當初妳口中的那些苦、那些痛還值得一提嗎? 沒有那個可憎的他，又何來這個可愛的他呢?

還學到了你那種"天跌落黎就當被冚"..萬大事總有家人在背後撐腰..我知道你清楚你家人愛錫你..
你的朋友也一樣很愛錫你..我不希望見到你做一些傷害自己的事..我是認真的..戒掉它吧!求求妳!

我還羨慕你可以曾經找到一個自己深愛的人..雖然已成過去..仍然可以對往日發生過既事一一描繪得繪影繪聲...羨慕你不只曾經找到一個自己深愛的..現在還不是有個疼愛你的人在你身邊..

朋友，告訴你..不要讓我擔心..我看見你在街頭落淚..我心很痛..我幫不了我的朋友..
我只能夠無條件借出我寬闊既胸膛比你..保護住你..唔比你受其他人傷害..
我真的很希望可以儘快見到你振作起來..可以繼續和以前一樣哈哈大笑..大癲大肺..別再為他流淚...

對於不被看好的感情..你能夠漠視別人的目光..堅守自己信念同愛..我這老朋友很為你驕傲開心

作別人第三者的你..我並沒有說什麼反對還是讚成..
若然你是真的覺得可以..覺得快樂..你過得到自己便可以..
我相信，就算是第三者，也是普通人一個..也有權利去愛一個人

朋友，同病相憐的朋友..被人欺騙感情感覺難受極了，是嗎?
花去了的青春光陰追不回來..但我認為我們是有所得著..
而且我們是總會痊癒的..別要怪那些無聊人..在我們的心燃著過的那份愛..
我們是感覺得到的..是實在的..不是枉費的..加油!

以上提及過的你..大多數與愛情拉上關係..你們所經歷過的愛情..我一概不清楚是什麼一回事..
我根本沒有資格去討論這個話題..講很容易，我作為你的朋友..看見你為那個已經不再愛你的人傷心..

我勸你快點收拾心情..不要再傷心下去..說易行難，難道我不知道嗎?
但你們到底明白作為你們好朋友的我是有何等焦急嗎?
我只想我所有朋友都開開心心，很難辦得到嗎?
你們不開心，我便逐個逐個逗你們，直到看見你們的笑容為止。
就算再難的事，我和你們一起去面對，一起去克服，好嗎?

朋友們，我真的很愛你們! 你也要好好愛自己!

小恆，我相信...這就是愛...

與神同行？！

今天跟爸媽一起到了恩福堂上了一課主日崇拜。崇拜裏有一首詩歌叫聖法西斯禱文，其間突然淚下了...

# 使我作你和平之子，在憎恨之處播下你的愛；
在傷痕之處播下你寬恕；在懷疑之處播下信心。

# 使我作你和平之子，在絕望之處播下你盼望；
在幽暗之處播下你光明；在憂愁之處播下歡愉。

# 使我作你和平之子，在赦免時我們便蒙赦免；
在捨去時我們便有所得；迎接死亡時我們便進入永生。

哦，主啊使我少為自己求，少求受安慰，但求安慰人；
少求被瞭解，但求瞭解人；少求愛，但求全心付出愛。

早晨、晨光

這是我愛看的天空...0542@Bay30,Hong Kong International Airport

她鄉遇故之

初登Alvin新居，發現有一座鍵琴，原來Lily閒來都有習琴。見到琴譜，不禁技癢起來。回想上一次彈琴，都已經是數年前的事，右手的手指按在琴鍵上，感覺有點生硬，然而卻沒有把我的興趣退減，把陌生的音符變得熟絡了。想不到自己的sight reading一點也沒退步，不愧當年是我考試最高分的一個部份，基本的曲調大概也可以奏出。我這個人，永遠都只喜歡彈奏一些自己喜歡的樂章，想當年習琴，當然會遇上一些自覺不動聽的樂章，每次彈奏給老師聽，總要練上個多月才令老師滿意。Song from a Secret Garden~這首歌傷感得要命，也正配合我那一刻的心情，所以也特別彈得有感情吧！
希望有一日，我可以再次擁有一座鋼琴，又或是鍵琴，好讓我自我陶醉一番.....又或者可以彈奏給愛我的人又或是我愛的人，也是一件樂事。

心意

今朝終於完成第五個早，老實講起身嗰吓真係有啲魂魄唔齊，連續五日三點半起身，晚晚都瞓得唔好就係驚住唔知醒，真慘...不過今朝除咗見到一個好靚嘅天之外，就係收到一個好有我心嘅同事整俾我嘅曲奇餅喇，呢位小姑娘一直都對我好好，好耐之前我炒單車，只要佢有返工，佢都會幫我洗傷口，响七國咁亂嘅時侯，佢都會叫我努力加油，確實好窩心呢！多謝你！

肉體、靈魂

愛情是肉體，情歌是靈魂，最初，靈魂寄生在肉體裡；最後，靈魂找到了自己......每個人都有自己的情歌，聽到同一首情歌，所浮現的畫面是不一樣的...

愛無邊際

感謝你們對我無私的愛，
感謝你們給予我的一切最好的，
感謝你們對我的包容和忍耐，
爸、媽...我愛你。

鼓勵

最近打波有啲起色，前一週我哋Team仲攞晒男、女子最佳進步獎，上一週又攞埋隊際最佳進步獎，總算冇辜負PaPa對我哋嘅囉嗦...哈哈！唉，我都係打感覺架咋...不過師傅過嚟提點過之後，又好咗啲，希望下次打嗰陣記得晒啲動作啦...亂咁打嘅我都偶有佳積！
不過最近隻中指打到腫咗，貼咗啲鎮痛貼，好似好啲，加上上次行山仆倒個膝頭有啲痛，下一週唸住養吓傷，忍手唔打住囉...

人生備忘錄

一封由梁繼璋寫給他兒子的信，閱讀後希望跟大家分享分享，字裏行間一切也寫得很真實亦很一針見血...每一點也精彩！

人生中要好好記住的事：

一） 對你不好的人，你不要太介懷，在你一生中，沒有人有義務要對你好，除了爸爸和媽媽。至於那些對你好的人，你除了要珍惜、感恩外，也請多防備一點，因為，每個人做每件事，總有一個原因，他對你好，未必真的是因為喜歡你，請你必須搞清楚，而不必太快將對方看作真朋友。

二） 沒有人是不可代替，沒有東西是必須擁有。看透了這一點，將來你身邊的人不再要你，或許失去了世間上最愛的一切時，也應該明白，這並不是甚麼大不了的事。

三） 生命是短暫的，今日你還在浪費著生命，明日會發覺生命已遠離你了。因此，愈早珍惜生命，你享受生命的日子也愈多，與其盼望長壽，倒不如早點享受。

四） 世界上並沒有最愛這回事，愛情只是一種霎時的感覺，而這感覺絕對會隨時日、心境而改變。如果你的所謂最愛離開你，請耐心地等候一下，讓時日慢慢沖洗，讓心靈慢慢沉澱，你的苦就會慢慢淡化。不要過分憧憬愛情的美，不要過分誇大失戀的悲。

五） 雖然，很多有成就的人士都有受過很多教育，但並不等如不用功讀書，就一定可以成功。你學到的知識，就是你擁有的武器。人，可以白手興家，但不可以手無寸鐵，緊記！

六） 我不會要求你供養我下半輩子，同樣地我也不會供養你的下半輩子，當你長大到可以獨立的時候，我的責任已經完結。以後，你要坐巴士還是Benz，吃魚翅還是粉絲，都要自己負責。

七） 你可以要求自己守信，但不能要求別人守信，你可以要求自己對人好，但不能期待人家對你好。你怎樣對人，並不代表人家就會怎樣對你，如果看不透這一點，你只會徒添不必要的煩惱。

八） 我買了十多二十年六合彩，還是一窮二白，連三獎也沒有中，這證明人要發達，還是要努力工作才可以，世界上並沒有免費午餐。

九） 親人只有一次的緣份，無論這輩子我和你會相處多久，也請好好珍惜共聚的時光，下輩子，無論愛與不愛，都不會再見。

痛

痛像是人生不可缺的，打從出世在媽媽的肚子鑽出來的那一刻，媽媽已承受十級痛楚，等待我們出來這世界，來到這個世界後，還未睜大眼睛看看這世界的時候，醫生便用手術剪刀把我們跟媽媽相連的臍帶剪斷，成為一個獨立的個體，那一刻可算是人生出來首歷痛的滋味，又或者可以說這痛，是不會有記憶的，但在血脈相連的一處剪下去，相信一定是痛的...
小時候的我，跟一般小孩無異，追、跑、跳、碰像是缺一不可。年長的常說跌倒才會長大，回想小時候無憂無慮的跟哥哥在家外走廊和鄰家的小朋友追逐，用人家棄置的木板，當作雪撬，坐在木板上從樓梯上滑下，驚險刺激，被嫲嫲發現也表現得洋洋得意，後來的責駡和體罰(送給我們記號~滕條印)，現在想起卻是另一番風味的痛...
在長大的歷程裏，嘗過各式各樣的痛，有形的無形的，也像是記錄著人生每一個的點滴；在我而言，無形的痛的確最給我無比的痛楚，曾經想念一個人想得半死，曾經在愛裡受苦痛，也曾經感受揭力地愛卻被人泠落的痛，曾經感受失去至親的痛，亦曾經感受到被好友欺騙的痛...這一切一切也曾經圍繞著我轉啊！轉啊！轉...我的確怕這一切無形的痛，回想起那時候在床上，把被子蓋著頭偷偷痛哭的情景，有點可笑也有點可悲。
從小到大，最忍得的也是痛，這痛也就是在身體上的切膚之痛。曾經遇過的各種傷害，痛這個形容詞彷彿用不上在我身上；小時候半夜從上格床飛身跌在地上好幾次，也沒受過半點嚴重傷害，仍可呼呼入睡到天亮；那年做了一個大手術，手術後痛得半死也沒吞過半粒止痛藥，在病床上動彈不得的情境，仍瀝瀝在目；看看自己的雙腳雙手，留下不少歲月痕跡，每一道疤痕也是一個故事，無論事大事小也是我的往事...現在年紀大了，手腳的關節也在響起警號...也就是我的歲月餘暉...在我身上徘徊，好讓我知道要好好護理自己，免得令爸媽痛心...

在家千日好

今日係父親節，好彩爸爸响琴晚出咗院，所以今日可以慶祝慶祝。一向以嚟母親節父親節都會同阿嫂嘅屋企人一齊慶祝，熱鬧啲嘛！因為爸爸唔出得街食飯，所以就响屋企煮飯食喇！嬲我都鐘意响屋企食飯啦！媽咪煮得好嘛！唔知我第日會唔會煮得一手好餸呢？...我唸應該可以嘅...
媽咪呢幾日都好奔波，今晚要佢煮，確實辛苦佢...所以...今晚我洗碗...哈哈...個個讚我乖呢...抵晒!!

考驗

今早就好似發咗塲夢咁，五點四返到公司如常咁先到Airside office攞份roster，就過返自己office開機，一開機見到啲星一tasks，發覺長過我條命(system上嘅flight task會隨住隻機嘅ETA而拉長或縮短)，啲同事返0550但係個ETA都係0550喎！唔係咁搞笑掛？！我真係有啲懷疑囉，開埋個flight viewer睇吓個landing sequence，仲死~0548...即刻打落OPS問個究竟！個坐枱仲好悠然自得咁話〝係喎！〞我話我啲同事返0550喎！點解個ETA可以早一個鐘咁多？！佢嗰一刻至發現個T/O都係返0600，好嘢冇人接機囉！我都唔理得佢咁多，仲有二十分鐘就落，唯有狂打電話俾佢哋叫佢哋直接去21位接機啦！好彩個星航掃把五點七返到，而其他同事十個有五個唔聽電話囉，雖然叫咗做電報個同事幫手攞嘢去接機，接機人頭數唔夠仲要係transit機，接機嘅嘢又未睇過，我都唔知點搞，唯有出去幫手接住隻機先！以前做英航transit機都唔駛攞九十幾樣嘢，呢隻星航冇兩個人都攞唔晒啲嘢，推住塊板行到23位，隻機已經埋緊位，去到好在有五個同事响度，不過全部都係NZ team呢？冇人識點做真搞笑！唔知係好彩定唔好彩，PAPAS冇人嚟接機，冇得開機門之下，就係咁，俾多咗少少時間俾我啲SQ team同事嚟到接機...唔該晒！
返到office唔少得嘅就係搜集罪證啦！果然係OPS出張ETA條0650囉，我唔打落去OPS插爆佢真係對唔住我啲同事呀！仲有浪費咗我成個鐘，嚇咗我三十分鐘令我死咗幾億個細胞！點計呀？！
之後OPS個哥哥打嚟問我呢樣嗰樣，話星航投訴PAPAS遲咗7分鐘接機，DM要寫report！我都唔明點解當其時阿OPS哥哥唔識call晒各大單位，提一提隻機早落，嘿！家吓抵死啦！俾人投訴喇！心唸好在衰極Airside都有人接到機吖，我淨係保得住Airside咋，其他部門我真係有心無力...
就今次事件，的確收到好多好評，又有人問我點解會知隻機早落，嘩！呢啲問題都問得出？！咪玩啦！我的確唔想公司衰，更加唔想Airside衰，俾人做箭把，因為一向以嚟，其他部門甚至一啲高層都好睇唔起佢哋，成日都當Airside係妹仔咁用，乜狗屎垃圾都要Airside做，我自己都曾經响Airside一段長時間，所以我一定知道係乜嘢一回事囉！...唔講啲衰嘢喇...
响呢度，要多謝個天俾咗呢個咁大嘅考驗我，有人話我救咗公司，咁又唔好咁誇張...仲要多謝啲同事咁聽話幫手趕返嚟...唔該晒！仲有仲有，要多些出咗張email讚我嗰個，俾返少少返工嘅動力俾我...多謝晒！

健康是福

爸爸身體有點毛病，要到醫院做手術，這幾天早班後也跑到醫院看看他，媽由早到晚陪伴在他旁，手術後的他，精神還好，心也放鬆了。雖然他只入住普通病房，但設備和環境也是一流的，有著落地玻璃和無敵馬塲景，私人電視及電腦可供溜覧網頁，當然又一証明一分錢一分貨的道理！健康的確不是用錢能買得到，無病無痛實在難求，所以要好好照顧自己才是大前題吧！免得身邊愛惜你的家人和朋友擔心...回想當天在醫院受著劇痛的煎熬，確是不是味兒，幸好有著父母的悉心照顧，才得以飛快痊癒！
最近聽說有位朋友的舊患復發，看他愛理不理，的確提他擔心；不愛惜自己的身體，也要顧及家人和朋友的感受吧！有時候大概不能只顧玩樂，這未免太自私了。又或許我不應這樣多事，但始終我也希望我所認識的人，也能擁有健康的身體。

單車暢遊廸廸尼

今日join咗個單車團由東涌踩入去廸士尼，其實出門口前都驚天氣唔好會取消，一出車就遇著大雨，又咁啱撞到個同路人，故且走一轉有冇有心人想去！去到只有五個人，大家興致無减，所以决定Call Van殺入東涌！所好難得有機會帶我架大蘋果去到東涌咁遠，東涌個天同沙田係兩個世界，仲出太陽添！我哋响FB約好十二點正响東薈城集合食個晏至起程，所以我哋選擇响Delifrance開餐，至少俾人見到我哋啲車嘛！好興奮總共有十五架車参與呢次旅程，基本上我係唔識佢哋嘅，不過大家都為咗同一個目的而嚟，實在有啲感動！哈哈！
平時返工成日經過見到人踩單車嘅地方，終於有機會一遊喇！踩踩吓有好大舊黑雲飄過嚟，不過我哋都冇唸住避，橫掂都係濕，所以豁出去啦！基本上我哋成班人都好守規矩，唔會超車兼左穿右插，就係有一個哥哥仔零零舍舍突出，一嚟只有佢踩KHS(會唔會係我哋全人類都踩Dahon呀！！)，二嚟佢永遠守住第二三位，即係永遠在前！三嚟佢喜歡用佢好似想跌嘅踩車姿勢，左穿右插，遇水氹踩落水氹(我以為佢想洗吓個轆囉！)個個都留意到佢嘅危險舉動，但係個個都唔好意思話佢囉！哈，終於出事啦！咪就係明明地上面有一大堆菁苔，都起勢咁踩過去，自己炒車仲傷及無辜呢？見咗皮外傷唸住踩多兩步去到欣澳站至幫佢清理吓個傷口啦！就响嗰個時間，我用咗陳老師嘅語氣警告佢，唔准超車唔准踩得快，仲要求所有人要釘實佢！我咁做都係為大家著想，咁踩落去下次嘅受害者可能係我哋其中一個！幫佢包好傷口嘅同時，我再斷同佢講〝唔准超車唔准踩快！〞之後佢真係好聽話囉！不過就成日講住自己炒低嗰陣行緊16km/hr，一啲都唔快喎！唔係掛？！我响嗰度又濕又滑，都係踩緊3、4km/hr咋！
話咁快就踩到廸士尼嘅大門口，唔少得嘅就梗係人車大合照啦！影完相之後，我哋大軍殺入廸欣湖，食吓嘢休息吓再踩去廸士尼正門，影吓相再走一轉去碼頭同海傍就回歸！回程中又經過事發地點，阿哥哥仔竟然話有陰影，落車推車都唔緊要，最搞笑就係推車都跣腳囉！到差不多返到東涌，其中一位成員因為避狗，又炒埋落地，我用埋我僅餘嘅急救用品幫佢包好傷口，話時話每個人出車都應該帶備小小First-Aid用品，我知道自己論盡，所以一定會帶啲，有備無患吖嘛！
今次單車遊的確好玩又開心，仲有個天都幫埋我哋，真係Good呀！仲有識咗十幾個單車朋友仔，大家都對今次旅程讚不絕口，唔嚟一定後悔...的確係！期待下一次嘅單車遊...有時間一定奉陪！

相聚

今日姑媽叫我去BBQ，本來叫埋爸爸同媽咪仲有阿哥阿嫂，事關今日係阿哥生日，佢哋兩公婆當然係二人世界啦！而我爹娘話咁熱咪搞佢哋，仲形容BBQ係一種慢性謀殺咁話喎！有冇咁誇張先？所以我係我哋陳家嘅代表...哈哈！
話說表哥响大美篤嗰度個警察康樂訓練中心訂咗卡拉OK同BBQ，心唸啲歌多數係啲老歌啦，殊不知又幾新，但係又未至於最新，我會俾三粒半星佢囉！好在我啲表姐心境仲好年青，都仲有啲歌識唱吓咁。BBQ嘅地方好大，不過啲蚊真係好恐怖，咬到我啲表姨甥成腳都係！好彩我有準備，貼咗四個蚊貼，啲蚊真係冇咬我囉...哈！
由我出世到依家，姑媽一家人都好錫我，我三個表姐話好開心，因為我嚟同佢哋BBQ。我見証四位老表結婚生仔，佢哋啲小朋友出世，我都有幫姑媽手湊過，眼見個個長大，真係歲月摧人~老...哈。大家相聚一堂嘅機會，一年之中我唸只有兩三次，所以我特別珍惜呢啲機會，儘量都會露面露面，因為除咗我爹娘同阿哥阿嫂，佢哋就係我最親嘅親人喇！

Ti-Ian=體藝人

上次舊生會响學校搞咗一次廿週年聚餐之後，我哋嗰屆嘅同學仔又話要出嚟食飯聚一聚，搞手又係我，因為佢哋話我熟手技工，搞節目我搞就最好不過，承蒙大家咁俾面(其實係佢哋懶咋！)，姑且响FB出個event搞搞佢！其實邀請咗成三十幾個同學，大部份都冇預佢哋會回應甚至出現，所以理想嘅人數為十二人就啱啱好啦！而上次佢哋話想打邊爐，所以我就响Open Rice度睇吓邊度最吸引喇！話時話揀地方呢門學問係好高深，仲好大壓力添，揀到間好食環境又好嘅大家又滿意嘅，的確好高難度；所以千揀萬揀，最後就係揀咗小肥牛喇！佢有好多分店，而我就訂咗尖沙咀新店，仲俾間大房過我哋添，最低消費只不過係三佰幾，除咗冇特價啤酒之外，價錢係一樣，去到攞位，實在令我驚歎！睇相~
完張相係咪覺得唔錯呢？確實係幾好，房入面仲有個服務呼叫器，一按吓個制就有人嚟，服務一流，係差在電話收得唔好，事關身處地庫。
而今晚有個低我哋幾年級嘅師弟，都嚟一齊襯熱鬧，佢亦係舊生會其中一個幹事，講起佢都有啲大膽，同我哋三唔識七都敢嚟！不過我哋梗係歡迎之至啦！席間大家都講起當年响學校嘅趣聞，一眾宿生响宿舍鮮為人知嘅秘聞，今晚終於响度爆料，笑餐飽！希望久唔久都搞吓呢啲飯局，聯繫吓都要啦...通常呢啲嘢都係我包辦喇，不過我都好樂意為大家服務嘅！再者，我仲要開個post出嚟召集班嘩鬼一齊報名包枱去二十週年校慶聚餐添，又要做PR喇...
唔記得讚吓啲火煱料好正添，下次hotpot梗係首選呢度啦！

細味

為何能有這樣細膩的詞...Wyman真的厲害...

對焦 她的愛 對慢了 愛人會失去可愛
記低 這感慨 世事變 有沒有將你淹蓋
(你會錯過愛的人嗎？...)

只一格 經典的偶遇已 不再 儘量框住目前大概
(偶遇碓是一殺那發生的事，捉不住那就會溜走...)

留住 溫度 速度 溫柔和憤怒 凝住 今日 怎樣 好
捉緊 生命濃度 坦白流露 感情和態度
留下 浮光 掠影 飛舞
(嘗試留住最美一刻，就像他寫著〝捉緊 生命濃度 坦白流露 感情和態度 留下 浮光 掠影 飛舞 〞

每張 都罕有 拍下過 記住過 好過擁有 光圈愛漫遊
眼睛等色誘 有人性 鏡頭裡總有豐收
(每張相片也有它獨特之處吧！相片也正好是回味過去的好工具。)

雖則那 即影即有售罄 菲林都已拆走 但是衝動用完 又再有
(〝衝動用完 又再有 〞，人生中確實有許多衝動的時候，對工作、對朋友、對家人、對愛人如是。)

留住 溫度 速度 溫柔和憤怒 凝住 今日 怎樣 好
捉緊 生命濃度 坦白流露 感情和態度
停下時光 靜止衰老
(若可以的話，我也希望把時光停下，就是想凝住最美好的一刻！)

登高峯一秒 得獎一秒 再破紀錄的一秒
港灣晚燈 山頂破曉 摘下懷念 記住美妙
升職那刻 新婚那朝 成為父母的一秒
要拍照的事 可不少
(我愛攝影，是因為想記住美妙吧！)


音樂 話劇 詩詞和舞蹈 揉合 生命 千樣好 攝入相部
絢爛如電 虛幻如霧 哀愁和仰慕
遊樂人間 活得好 談何容易
拍着照片 一路同步 坦白流露 感情和態度
其實 人生並非虛耗
何來塵埃飛舞
(很愛這段歌詞~〝拍着照片 一路同步 坦白流露 感情和態度〞，有幾多人會坦白流露自己？〝其實 人生並非虛耗 何來塵埃飛舞〞，怎樣才是虛耗人生？有些人好好活著卻不會好好珍惜眼前一切，反而怨天怨地，何不好好把握每一秒，好使人生不沾上一點多餘的塵埃。)

是怎樣的音樂，會令我這樣細味...摘下懷念 記住美妙...人生並非虛耗 何來塵埃飛舞

感謝你~記起我

今日有啲驚喜，就係阿楚特登响台灣買咗包我最鍾意嘅咕咕霍夫牛軋糖俾我，呢隻糖只有台中至有得買，而佢去台北飲喜酒之餘，仲上網訂定牛奶糖俾我，真係有我心，哈哈！真係抵我對佢咁好呀！仲有想多謝個朋友，事緣今日傍晚時分我去咗旺角，原來响同一時間我行緊嘅隔一條街，又有狂徙掟通渠水落街，如果唔係佢打俾我問我有冇事，我都唔知原來發生呢件事！多謝你哋，甜到入心呢！

於心有愧

很厲害的一首歌...
追悔無用 轉眼發現 你失蹤 ...
原來隨便錯手可毀了人一世 ...
這種剌蝟 連誰曾待我好
都可帶來傷勢
內疚內疚內疚沒作為
直到某年某日我能安息於葬禮...

會是痛恨嗎？有痛恨便沒有包容吧！
會永遠不會原諒一個人嗎？...這答案大概...我也不知道...

現在心情

最怕空氣突然安靜 最怕朋友突然的關心
最怕回憶 突然翻滾絞痛著不平息 最怕突然 聽到你的消息
想念如果會有聲音 不願那是悲傷的哭泣
事到如今 終於讓自己屬於我自己 只剩眼淚 還騙不過自己

突然好想你 你會在哪裡 過得快樂或委屈
突然好想你 突然鋒利的回憶 突然模糊的眼睛

我們像一首最美麗的歌曲 變成兩部悲傷的電影
為什麼你 帶我走過最難忘的旅行 然後留下 最痛的紀念品

我們 那麼甜那麼美那麼相信 那麼瘋那麼熱烈的曾經
為何我們還是要奔向各自的幸福和遺憾中老去

最怕此生 已經決心自己過沒有你 卻又突然 聽到你的消息

...就是偏偏想起一個荒謬的你/妳...
...大概也是同一個人吧...

力量

舊生會藉住校慶二十週年，响學校禮堂搞咗個buffet dinner，基本上係志在返學校聚舊同懷緬一返，估唔到我哋嗰屆嘅人丁單薄得咁緊要，啲舊生會委員話我哋嗰屆係最難揾，其實又唔係吖！至少我哋都仲好捧塲，返嚟支持吓啲師弟師妹吖！我唸佢哋都係第一次搞咁大型嘅聚餐，所以少不免都有啲唔完善嘅地方，簡單講吓啲食物，簡直係不能接受，以入塲費二佰大元嚟計，冇理由會咁差；所以作為大師兄師姐嘅我哋，都俾咗小小意見佢哋，希望下次可以搞得好啲！
所謂團結就係力量，我覺得我哋一班响體藝畢業嘅同學，對學校超有歸宿感，而且極之團結，就好似用餐時，我哋一班人唔駛出聲都會分工合作，攞食物飲品返枱一齊食，仲招呼埋阿Sir添，發揮晒團結嘅精神！
晚會入面請咗歷屆校長返嚟，Miss Chan响我嘅年代仲係教緊我最鐘意嘅Geography，成十幾年冇見，唔記得我個名，都仲記得曾經教過我，真係好記性，其實我想話佢知，我好鐘意上佢嘅堂...哈哈！
嚟緊七月，學校會响馬會擺四十席，請晒所有開校以嚟嘅老師同舊生參加，我哋唸住包一圍去捧塲捧塲，呢個重任又交咗俾我，佢哋嫌我時間多定啦...

黑到爆

今日唔係黑色星期五又唔係月破日，由朝早就已經碰著黑氣，唸住上車可以瞓一覺好，點知城門隧道出口整路都唔緊要，至多行第二條路，殊不知又好似上一次咁行錯路，駛咗入一條逆線上嘅單程路，今次個司機比上次仲行多咗一倍路至發覺唔對路，想掉頭但係車身長唔夠位，駛前駛後搞咗半個鐘，仲要成架車上搭呢車返機塲返工嘅車長落晒車幫佢睇位，最後都係入後波倒後行成條街！唔該晒！又行錯路真係好搞笑囉！搞到我足足遲吐九個字至返到機塲，仲俾我影埋平時返早見唔到嘅晨曦！都算係唯一嘅得著，亦好彩今日有徙兒頂住，冇有怕！
都冇唸過啲黑氣唔散，行入洗手間第一步，我就跣到咬柴！唔係我唔小心，而係阿姐抹到個地濕晒冇整個小心地滑牌出嚟囉！會唔會係佢仲驚過我？一刻我淨係識同阿姐講好痛，之後我就用龜行嘅速度出去睇醫生，事關隻脚超腫！有人叫我投訴，不過我都冇唸過啦，人哋都係打工，我又冇乜嘢隻脚又未斷，無謂搞大啦，呢個時勢冇咗份工好慘！況且阿姐平時都好nice啦，我唸佢下次抹地會小心，亦會整返個牌出嚟啦！跣親啲客仲弊呀！

漫遊伯大尼

相信好多人對伯大尼修院(Bethanie)這名字很陌生，曾經在某本雜誌閱讀過一個專欄介紹情侶假日好去處，位處於薄扶林上面嘅一座百年歷史建築，修院於1875年由巴黎外方傳教會建成，作為傳教會士休養之所（現位於中環炮台里的香港終審法院同是 傳教會的建築物）。伯大尼修院運作百年後關閉成為政府建築物，1981年列入二級歷史建築，香港大學曾於1978年至1997年間借用伯大尼修院，後再交 還予政府產業署管理。2000年，建築署就如何善用伯大尼修院的可行性進行研究，立法會於2003年3月，批准香港演藝學院將伯大尼及隔鄰的牛棚進行復修 工程，改建作其校舍。
而今次在同事朋友的相薄中再發現這久遺了而一直想一遊的地方，决意就算單人匹馬也會獨闖。上網查閱其詳細資料，發現原來要進入建築物的內部參觀，是要先購票參加導賞團，才可進內參觀。所以急不及待在網上訂了兩張門票，一張預留給我的友人~Tracy，幸好她也感興趣陪我走一趟，還有個不速之客~Ronald呢！
早上下著微雨，還在擔心少了陽光！幸好藍天白雲走到我面前，心情也截然不同！經過導賞團的導遊帶領，講解其歷史及參觀建築物內觀，由於今天是星期六，亦是嫁娶好日子，所以小教堂被租作私人婚禮用途，只能偷偷在閣樓拍下幾張相片。隨後也在建築物外圍拍過夠...
又是盡慶的一天...炎熱一點也爽極！

我的最愛...

哈，今日响康怡間吉之島發現咗失傳咗好幾年嘅最愛....Meiji Marble Chocolate...不過係Jumbo size囉...賣189...駛唔駛咁貴呀？就係咁我就冇買到...不過皇天不負有心人，俾我响沙田間City Super發現到佢嘅pack size，即係一袋入面有瓦12小包，40蚊有找，抵啦...即刻入貨啦！
我好鐘意食朱古力，尤其係聰明豆，依家都唔見有大筒嘅聰明豆賣咯。知唔知我點食吖？就係咬晒啲糖衣至食朱古力...超正！如果你你你响街見到有Marble Chocolate，記往買俾我食呀！唸起都開心！

我愛逛超市！

今日係放大假嘅最後一日，突然多咗個任務，就係做阿四，就係幫我人攞部notebook去太古城整，亦俾咗個機會我行吓太古城嗰間日本超市APITA，入面的確係好吸引，樣樣都想買，但係要打波又唔想拎住，下次有機會再去掃貨至得...

三個人。物。誌

襯住大假嘅最後一日，約埋Tracy同Ronald去赤柱影相，Ronald繼上次同我响球塲影餐飽之後，好似上咗咁，今次叫埋佢嚟實行影餐飽加笑餐飽！其實赤柱呢個地方我已經嚟咗好幾次影相，難得Tracy想嚟又多個傻佬，加上我對赤柱呢個地方情有獨鐘，去多幾多次都冇所謂啦！
本來唸住一齊去泗益食返個午餐，去到排長龍囉，個太陽又曬到應一應，不過都誓要排隊等...仲要食飽飽就行去軍人墳塲狂影，Tracy仲帶埋本唔知乜嘢一百個外攝動作圖解，我哋就有樣學樣，笑爆隔離！影到太陽就落山至移師去第二度再影，總括嚟講係超開心！睇吓啲相就知啦...

Shiny Day...BBQ Day

都有幾個月冇去PaPa度BBQ喇，今次又嚟搞住佢，又大擦一餐，食好嘢囉...
今日風和日麗，其實最好就係去影相，所以响BBQ之前約咗Ronald去大埔食嘢，再去影吓相，個白痴話要個個禮拜都要換profile相~自己去影即影即有證件相咪得囉....哈哈！講吓笑啫...
食完碗美味嘅冬蔭功湯底嘅豬頸肉湯檬，就行咗過去鐵路博物館，個傻佬話未去過喎，就帶佢去見識吓咁啦！今日個太陽就係不得了，簡直係想溶咗我，所以影咗一陣就走啦，其實係Alfree嚟車埋我哋去Papa度。今次Alfree仲帶埋B仔嚟添，B仔第一次去咁遠咋，仲暈車浪嘔添！
同過往一樣，Papa都準備咗最好嘅BBQ食物同埋生蠔俾我哋食，不過最唔同嘅就係啲爛賭鬼掛住賭錢，我哋三個就係咁燒，係咁食，我唸我都有食咗十五隻以上生蠔，冇辦法啦，開咗唔食咩？！班賭徒玩玩吓話去打波，Papa又飲咗酒，所以由我呢個雪藏牌有驚無險咁揸出去...好多謝佢哋唔怕死咁坐我車，哈哈！
影相、BBQ、打波......盡慶的一天！

婚宴

她，見証新舊交提...
她，永遠像擁有著權力...
她，是身高最高的一個...
她，擁有著驕人的身材...
她，確是冰雪聰明...
她，以往常給我機會...
她，教識我許多、許多...
她，使我領悟到什麼叫〝防人之心不可無〞... ...
多得她，去使我懂得怎樣找尋自己逃離魔掌的路。
雖然我不曾是你的寵愛，也不曾是你賞識的人，什至我清楚記得你曾說過~只有你才願意領導我...一切一切，不是想將你曾對我做過說過的也銘記於心，只是到了這一刻對你沒感覺的時候，要出席你的婚宴，好使我想起你的種種。最後也希望藉此祝福你~白頭到老。
~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*
今天晚上又是一個公司聚會，最開心只是能見到一位經常在FB chatroom跟我說話的小妹妹Michelle見面，飲宴前也準備了一些Gift Gate的小禮物給她作見面禮，她的碓是漂亮的可人兒；她媽說她很愛看我的相簿，在網上看見我興奮無比...有趣有趣！

尋找海膽之旅

今次係我哋攝影學會第六次聚會，講咗好耐話去食海膽，今次終於如願！不過一開始就有少少波節，之前順應某人要求就係約好十點响西貢等，點知佢唔知醒囉，好在有個ADSC同事揸咗車，唯有我哋先搭巴士入北潭涌等，就係咁樣一等，就delay咗我哋個半鐘！佢哋咁難得request咗放假，點都要等啦！
我哋一行十二人再加兩隻狗狗由北潭涌出發，經上窰、萬宜水塘西霸再落東丫，十二點半出發，行到三點半至到，比預計行兩個鐘多咗成個鐘，途中大家都朝住要食新鮮海膽為目標，堅持唔休息直踩到東丫！到咗之後，我打俾海膽養殖塲嘅陳太，原來我哋企响佢門口打俾佢，真搞笑！老板娘仲以為我哋唔嚟，話咗點半到但係一直都唔見人...哈！咪就係有人遲到囉！
我哋叫咗幾種海鮮食，當然唔少得嘅係海膽啦！我哋跟住老板睇佢捉海膽，原來好多都响岸邊養住，話咁快就捉好，即開即食，鮮味無比！
本來計劃食完海膽之後行過去白腊再去東霸影相，可惜食完都已經五點，唯有包隻艇載我哋返西貢市中心...

突破

一直以嚟都冇乜點真正練過波，去北京之前同Ronald、Francis打過吓，都叫做練習嘅，過程中突然好似想通咗應該點打；响我心目中，打保齡係打感覺，咁當然都要有基本嘅技術啦！呢幾年嘅比賽我都冇乜精彩嘅表現，久唔久撞吓手神四局中梗會有一兩局打得好，唔係我技術好，只係有運！
今晚嘅比賽，總算冇令大家失望，四局打咗761分，仲有一局high game 253，終於破咗我成年前嘅Record 245，今次仲上埋名，排咗响全季女子一局最高，如果今季一路都冇人破我記錄，到最後我就有個獎杯攞喇！希望我可以再破到自己個記錄啦！我仲想破理Amy四局最高785添呀！假以時日，應該可以呢...哈哈！

北京、你好！

從未涉足北京嘅我，襯住有兩個星期年假，同爸爸媽咪一齊去探索吓北京嘅新面貌。同佢哋去最好就係跟團，乜都安排好唔駛自己唸，的確好！
自北京2008奧運成功舉行，開幂禮嗰種震撼，實在令我不禁讚嘆祖國嘅偉大，所以自奧運後都好想有機會到北京見識見識。踏進北京首都機塲，感覺有啲似曾相識，因為北京同香港機塲嘅設計同出一人，不過北京機塲的確大好多。
而我哋嘅行程就由落機嗰一刻開始...五天嘅旅程，將北京嘅景點精華遊；頤和園、故宮、天安門、天壇、長城、南鑼鼓巷、水立方、鳥巢、明十三陵...等等，各古代建築，精雕細琢，手工精細令人目不暇給。
北京嘅天氣變幻莫測，第二日嘅天氣真係嚇親人，得攝氏11度，加埋落雨，真係凍到震！我同老豆都有帶一件暖啲嘅褸，係媽咪話唔會凍，所以冇帶，最後我著咗三件風褸，俾咗我件褸俾媽咪，我都一樣係凍到震。好在第三日冇落雨仲出太陽，不過係超大風，都又係咁凍，係到最後兩日至叫做好啲。
整個行程有一個好出色嘅本地導遊，講解好詳細亦好博學。食住方面更加唔駛講，確實係北京豪華團，絕無誇口，總之就係一流！而今次影嘅相，個人覺得有啲垃圾，post咗上FB俾啲朋友睇，出奇地個個都話好靚，我影啲相同靚呢個字仲相距好遠呢！不過都好多謝各方好友支持，我會再俾心機影多啲好啲嘅相俾大家欣實欣實！想睇多啲，入嚟呢度睇啦！~按入 再按入,再按多次...又按多次...

R & W Fun Fun Bowling

my bowling game...with crazy Ronald...
A great fun!

Almost Over You

I saw an old friend of ours today
She asked about you, I didn't quite know what to say
Heard you've been making your rounds 'round here
While I've been trying to make tears disappear

Now I'm almost over you, I've almost shook these blues
So when you come back around after painting the town
You'll see I'm almost over you

You're such a sly one with your cold, cold heart
Maybe leavin' came easy, but it tore me apart
Time heals all wounds they say and I should know
'Cause it seems like forever, but I'm lettin' you go

I can forgive you and soon I'll forget all my shattered dreams
Although you left me with nothing to show, full of misery

When you come back around after painting the town
You'll see I'm almost over you

Amazing is...Music

YouTube Symphony Orchestra...that was amazing and incredible!I really want to be one of the performer...Music is life,no music no life...

遨遊愉景灣。坪洲

琴日放工趕住入愉景灣睇小朋友尋蛋，尋乜嘢蛋？！咪就係復活蛋囉！好在Tracy之前話過我知有咁嘅活動，佢話FunFunFun，果然又真係好多Fun。呢個活動叫「沙灘獵蛋奇兵」，有約2,000位3至10歲的小朋友到愉景灣大白灣沙灘，搜尋20,000枚被預先埋好的復活蛋。
今日真係天公造美啦，天清氣朗，太陽高掛！最適合一家大細去嗰度玩！冇得一齊掘蛋，睇住啲小朋友玩都好搞笑，有啲狂掘,有啲企响度唔知做乜,有啲向度了吓了吓一隻蛋都揾唔到...塲邊啲家長响度狂嗌自己啲小朋友快啲掘...總之一個亂字...不過勝在無限Fun Fun Fun!除咗有尋蛋比賽之外，仲有個Fun Fair俾小朋友玩個夠，小朋友真係開心到不得了！
之後，Tracy仲同我走咗一轉坪洲，响我記憶中，我呢生人應該去過一次咁大把！由愉景灣坐街渡過去大概十分鐘船程，坪洲的確好細，亦冇乜特別景點，所以好快就行咗一轉，去買菜返愉景灣咯！一落船就見到我好精靈嘅表弟同舅母啲兄弟姊妹過坪洲食飯，又會响度遇到真有緣！好在Simon有架Golf Car，所以落船佢就嚟車我哋走咗一轉遊艇會，睇吓啲船屋，Simon話啲遊艇有摩打，只係用嚟當屋住，嘩，的確寫意囉，啱晒退休呀！我哋買好餸就上Tracy屋企，由Simon操刀煮飯俾我哋食，簡簡單單三餸一湯，超正！
好多謝Tracy帶我遊咗一日，介紹咗個咁精彩嘅節目俾我，期待出年嘅「沙灘獵蛋奇兵」...
後記：我post咗啲相上FB後，好多朋友都話我做乜唔叫埋佢哋去！？好好好...出年決定搞個獵蛋團，一齊去獵蛋...我幫你哋影相...哈哈！