團拜

期待今日嘅來臨好耐，又到一年一度嘅IC姊妹大團拜。今次分兩站，第一站先去我哋阿姐~Alice屋企，出席嘅有Pamela兩母子、Christina一家四口、May同一對龍鳳胎加個印印、Vanil同佢愛人Vincent、Jennifer兩母子、Zoe兩母女、仲有今年準備出嫁嘅Ida。上到去各姊妹都已經食到停晒手，阿姐真係當晒我哋係佢個女咁，準備咗好多嘢俾我哋食，咁我梗係唔客氣啦，食得少即係唔俾面，又事關我好似幾日冇食嘢咁，實行化悲憤為食量，狂食一番！
每次聚會都少免回憶吓當時啓得嘅盛勢時代，一講起舊IC嗰陣最精彩就係收民航嘅後補客，(民航即係依家分晒家嘅中國國際、東方、南方等航空公司。而後補客亦即指從未訂位嘅乘客。)嗰陣時最鐘意做嘅就係後補，想當年民航仲未發展到可以收信用咭，所以各乘客係要自備現金，盡量不設找贖嘅！响高風期條隊排到去30米以外嘅中銀，我哋放錢嘅櫃，閒閒哋有十幾萬現金，我唸我數得最多現金嘅日子應該係陣時，見盡人間百態都係由IC開始，記得有一次我同師傅拍住做後補，要用到大聲公嚟控制塲面，唸起都超爆笑！每次做完後補隻手板都會紅晒都手掌邊會全部都係原子筆痕，因為要開機票！到夜晚BA開檔時，我哋都會攞個籌款箱出嚟，啲PDO就會乖乖捐獻！我哋就會去九龍城買宵夜返嚟食，不亦樂乎！
影完一輪相之後，就轉移去May屋企，Connie一家五口嚟埋，見到CK123真係開心到暈！上到去，成班小豆丁就攞咗set煮飯仔出嚟玩，CK1同Bosco成日煮嘢我哋食，係咪搞笑呢？仲要企定定望實我哋食咗至肯返去再煮過，係咪咁認真先？當然我哋做戲做全套啦！CK2同CK3呢對小孖仔，真係可愛到暈，仲有May對龍鳳胎，真係氹得人好開心！見証佢哋由結婚生仔到依家，各人都有自己快樂嘅小家庭，感到好欣慰亦好感動！見到佢哋幸福快樂，自己都好感動，搭車返屋企嗰陣睇返之前影嘅相，唸起仲感動到流眼淚...唔知幾時輪到我呢...

再續...

我知道相愛原本就不容易
愛不是一加一　努力就有結局
...寫得好

年三十

又走到一年嘅盡頭，今日年卅晚，一如以往，都係要返工，團年飯响年廿八已經食咗，所以今日對我嚟講亦不太特別。而今日最用心做嘅莫過於cut O/T兼time off啲同事，我唸佢哋今日應該好開心，因為可以早啲返屋企食團年飯又或者同心愛嘅人早啲去行花市，本來收十點可以八點走喎，仲要响今日年卅晚喎，聽到佢哋把聲都感覺到佢哋嘅喜悅啦！可惜响我走之前只可以cut到96鐘O.T.，做唔到100鐘真係有啲遺憾...
由於我雙親去咗舅父度吃喝玩樂，所以我收工都留响公司同佢哋食埋團年飯至走，豬豬琴晚打麻雀贏咗錢，今日買咗條好滑嘅魚返嚟，最好嘅就係我唔駛郁就有得食，獨享傷殘人士嘅優惠！又...究竟終結係唔係等如開始？希望各友好忘記過去一年的憂愁，迎接將會是更豐盛的一年...

喜氣洋洋

今日臨返工前，豬豬急call話要買返個電磁爐，今晚要打邊爐喎！所以我二話不說立刻去查實惠買返個平靚正連火煱煲嘅電磁爐，拿拿林趕去搭車。其實我一早就話買啦，冇咗個爐成個月，搞到冇晒生氣，做嘢都冇晒mood，夜晚又整唔到嘢食，幾麻煩！為咗試吓個爐得唔得，立刻開爐煎日式餃子同籮蔔糕，超得囉！真係開心死...所以話食對我哋嚟講真係好緊要，有冇心機做嘢同食乜嘢，係掛勾嘅...可惜嘅係我唔食得肥牛囉！！！

傷深

沒想過傷口是這樣深，也沒想過傷口是這樣痛；從來不怕痛的我，今次卻感到痛楚，傷口周圍腫了，所以也看不見有手腕，手一直在痳痺的痛，五隻手指也脹起了...爸在旁囉嗦我良久，說我老是大意，不好好照顧自己...其實我是希望有人能照顧我吧...

擁抱回憶

送給~自己
迷失 苦惱 悲痛 激動
醫治過傷口會結疤
唇膏 花店 機票 飾物
居然有開解那密碼

間中記起 淚凝在眼眶的感覺
其餘的分秒 算相當快樂
無懼寒冷 絲巾會圍著這雙肩膊
提示未拖手 不落泊

所有突發情感會淡化
寂寞似片飛花 刻意沉重我便太假
擁抱從前回憶有用嗎
別付太多代價 平靜到差點暗自驚訝
揀一套戲 賞一次雪
偷一個吻 都好過念掛

閉起眼睛 像懸在半空的感覺
誰人都知會 有一刻冷落
纏著朋友 都足夠填密空空軀殼
娛樂是必須的動作

所有突發情感會淡化
寂寞似片飛花 刻意沉重我便太假
擁抱從前回憶有用嗎
別付太多代價 平靜似一幅騙人的畫
戀盞過去 追憶從前
感觸以往 淚流有用嗎

所有突發情感會淡化
寂寞似片飛花 刻意沉重我便太假
擁抱從前回憶有用嗎
別付太多代價 平靜到差點暗自驚訝
揀一套戲 賞一次雪 偷一個吻
都好過念掛

長夜 灰暗 陰冷 幽靜
忽然我想講我害怕