一直以嚟都冇乜點真正練過波，去北京之前同Ronald、Francis打過吓，都叫做練習嘅，過程中突然好似想通咗應該點打；响我心目中，打保齡係打感覺，咁當然都要有基本嘅技術啦！呢幾年嘅比賽我都冇乜精彩嘅表現，久唔久撞吓手神四局中梗會有一兩局打得好，唔係我技術好，只係有運！ 今晚嘅比賽，總算冇令大家失望，四局打咗761分，仲有一局high game 253，終於破咗我成年前嘅Record 245，今次仲上埋名，排咗响全季女子一局最高，如果今季一路都冇人破我記錄，到最後我就有個獎杯攞喇！希望我可以再破到自己個記錄啦！我仲想破理Amy四局最高785添呀！假以時日，應該可以呢...哈哈！
I saw an old friend of ours today She asked about you, I didn't quite know what to say Heard you've been making your rounds 'round here While I've been trying to make tears disappear
Now I'm almost over you, I've almost shook these blues So when you come back around after painting the town You'll see I'm almost over you
You're such a sly one with your cold, cold heart Maybe leavin' came easy, but it tore me apart Time heals all wounds they say and I should know 'Cause it seems like forever, but I'm lettin' you go
I can forgive you and soon I'll forget all my shattered dreams Although you left me with nothing to show, full of misery
When you come back around after painting the town You'll see I'm almost over you
前幾日收到Connie個email，叫我去BBQ，email嘅內容係~ Wing jeje, Do you remember our last BBQ gathering? Do you remember those lovely kids? Do you remember those beautiful moms? Do you remember how happy we are? Let's join us again! 哈哈！好窩心嘅一個小小email，足以令我難以抗拒！我又點會唔記得班小鬼呢？！ 今次去映灣園BBQ，一眾媽咪响呢個復活節假期，安排啲活動俾佢哋嘅小朋友，仲預埋我，真好！小朋友有得玩就真係精力充沛，好在地方大，足夠佢哋走嚟走去，幫佢哋影相都係一大樂事，因為佢哋實在太可愛！不過最開心嘅就係佢哋仲記得我係邊個...最好笑就係媽咪們攞咗個蛋糕嚟砌，唔係有人生日，不過個個一齊唱生日歌，媽咪一路點爉燭...班小鬼一邊吹爉燭...哈哈...點完又吹吹熄再點，點完續個吹，點、吹、點、吹、點、吹....咁又玩一餐！ 散塲後，我同Connie帶住佢三個寶貝返屋企，老二一上車就瞓，老三一落車行行吓都可以瞓著...超搞笑，話瞓就瞓！唯有Connie抱住老二，我就抱住老三，返上佢哋屋企啦！上到去唸住放低佢响梳化，點知一放低就喊要我抱住瞓！Connie話平時都係咁，唔係呱？！咁唯有繼續抱，抱咗一陣，我覺得有啲唔對路，Connie話整蠱我咋，慢慢放低响床就得唔駛抱住！！！搞搞吓Connie叫我留低食埋飯至走，誠情難卻，留低食飯之餘仲幫阿John啲熱帶魚影咗輯〝魚樂無窮〞！
今日我要介紹吓我嘅新朋友B仔~B仔身世好可憐...某日Alfree兩公婆揸車經過青山道附近見到B仔一隻狗仔On dog dog咁响條街遊蕩,佢哋驚佢周圍中中咗出馬路俾車車親，跟住佢哋揸返架車返轉頭睇佢,可能因為佢唔似係一隻流浪狗，所以佢哋唸住佢係走失咗，將佢送咗去愛護動物協會等佢主人返嚟帶佢返屋企。Alfree之後打去問B仔嘅下落，點知係仲未有人認返佢，最後搞咗好多手續領養咗佢帶返屋企,俾咗一個好舒適嘅家佢！B仔好乖o架,唔會吠人亦唔會亂吠,最愛乾淨,點搞佢都唔反抗,佢開心嗰陣奔奔跳個樣最搞笑!今日同佢玩得好開心，不過post咗啲相上FB之後，我好唔開心，有人竟然話如果係隻唐狗仔，咁會唔會帶返屋企？呢個答案我唔知，亦都冇人會知，但係咁樣講會唔會令人覺得係話緊我朋友都係貪隻狗仔得意同埋係史納莎至會有咁嘅行徑呢？我朋友係有愛心嘅人，心地極好，佢都係一心想幫隻狗仔揾返主人，而且佢從來冇養過狗，佢個人亦有潔僻，依家佢肯花錢、時間同心機响B仔度，我覺得唔會係你唸嘅意思囉！随口講又好有心講又好，唔好小人之心度君子之福呀！人有感情動物亦有，Alfree話同B仔嘅相遇係一種緣份，B仔依家有個安樂窩，希望佢健康快樂啦！亦都好多謝各好友對B仔嘅祝福！
