喜氣洋洋

今日臨返工前，豬豬急call話要買返個電磁爐，今晚要打邊爐喎！所以我二話不說立刻去查實惠買返個平靚正連火煱煲嘅電磁爐，拿拿林趕去搭車。其實我一早就話買啦，冇咗個爐成個月，搞到冇晒生氣，做嘢都冇晒mood，夜晚又整唔到嘢食，幾麻煩！為咗試吓個爐得唔得，立刻開爐煎日式餃子同籮蔔糕，超得囉！真係開心死...所以話食對我哋嚟講真係好緊要，有冇心機做嘢同食乜嘢，係掛勾嘅...可惜嘅係我唔食得肥牛囉！！！