開餐

之前都講過最鐘意整嘢食返公司一齊食，平時夜晚至多都係得四個人嘅晚餐，今晚多咗一倍人~八個一齊食，哈哈好開心。點解又會咁多人呢？咁就係因為有幾個同事要趕住出更廢枕忘餐，好彩佢哋遇著我哋食屋企飯，又咁啱今晚有五餸一湯，不過白飯冇得任裝。自從响24位搬返過嚟30位，office變得熱鬧，除咗多咗我哋之外，又多咗個美女廚房，仲多咗好多家庭温暖添！見到佢哋咁開心，自己都好滿足，辛苦啲搬的餸返嚟都係值得嘅。我最怕我身邊嘅人肚餓，所以係人都知我有好多嘢食，肚餓嘅時候就會想起我，幾好！