呢幾日天氣反覆無常，就連我打波嘅成績都跟住啲天氣，一反常態！今日收早百無了賴，約咗師傅同Esther返沙田食完嘢就出去打波。本來唸住自己練習吓先，點知响球塲見到兩個Uncle，問我幾時同佢打返塲？擇日不如撞日，拿拿林去攞波出嚟打啦！呢兩個Uncle係我响保齡球塲第一個識嘅波友，佢哋平時一行三人，晏晝就嚟狂打幾個鐘，三個都係老闆唔駛做，好似打波就係返工咁，每人閒閒哋打成十幾局，今次唔例外，同佢哋打咗成七、八局，幾乎手都斷！不過今日打得非常反常，得心應手之餘仲超高分。點知到夜晚打比賽時，剷走咗虎口位嘅厚皮不突止仲扭親隻手腕，冇得繼續打真慘... ...
