如果有睇開我個Blog嘅話，應該知道我公司隔離部門有個超級眼紅人，投訴過我哋响度煮飯食呢?記唔記得呀?嘿！今日返到公司，我老板淨係講咗一句〝釣魚臺主權回歸〞，哈！你真係估佢唔到，原來係講釣魚臺〝煮〞權回歸，據消息透露，我老細同頂頭老細開會，提及煮權呢個問題，點知俾我哋個金牙老細講返個煮權返嚟，事關我哋一齊食飯，大家嘅感情增進咗好多團結咗好多，仲將個工作時間加多咗，因為一個鐘都唔夠，個個食飽就即刻埋位做嘢(我哋食半個鐘飯咋！)。以後我哋可以名正言順咁响Office用飯煲煮飯咯！我老細仲話要大事慶祝加多兩個餸添......即係整蠱我...要我唸多兩味！！老細，你係得嘅！
