消遙遊

今日收早無事忙，火速歸家想去踩單車，同事問我咁趕做乜，早啲去踩早啲返嘛！本來唸住踩去三門仔食碗牛腩撈粗，唸唸吓都係唔好食，直接踩去大美篤個水霸，竭一竭就回歸，今日雖然好好太陽，但係一啲都唔覺熱，有點秋意，好爽！踩到去水霸同隻飛行服務隊嘅直升機相遇，因為佢要响水塘吸水去馬鞍山救山火，我坐响度十幾分鐘，佢來回走咗三轉，心唸其實係咪咁有效？！條火龍咁長，值升機儲水量有限，都唔知要走幾多轉至救得熄！不過如果唔係佢嚟吸水，我都唔會見到彩虹！對上一次見到彩虹，應該有三、四年前响機塲晨早做完隻早EK等Push back嗰陣咯！嘩，影咗兩張相都差不多五點，依家個天好快就黑，拿拿林踩返屋企食飯lu...可能耐冇踩，返到屋企成身好似虛脫咁...