晴天。孩子天。燒烤夜

今日遇上好天氣，Pam帶Bosco入嚟我屋企等今晚BBQ之際，爸爸話樓下河畔整咗個新嘅兒童遊樂塲，所以一於帶佢哋落去玩吓行吓影吓相！小朋友真係小朋友，畢竟Bosco都係一個六歲嘅小朋友，所以見到個遊樂塲就即刻跑過去！而我哋兩個就梗係坐响度睇住佢玩啦！突然又唸起想吹吓肥皂泡，即刻打俾爸爸順便叫佢幫我買支返嚟，到手之後狂吹，吸引唔少小朋友！跟住仲幫Pam & Bosco影咗唔少我滿意嘅相啦！
到傍晚我哋就過咗我隔嚟個屋苑BBQ，又係IC同事嘅Party，又有好多小朋友嘅晚上，今晚的確招呼周到，全部嘢食都由Uncle同Auntie燒好俾我哋食！一流！我仲唔蝕底咁叫埋我双親一齊過嚟食！哈哈！我唸最開心都係班小朋友，一玩吹波波個個係咁跳，搞笑到不得了！