自得其樂

話說本來約咗Elaine去深圳揼骨，等我有機會用吓我新換嘅回鄉咭，殊不知隻懶瞓豬唔知醒，唯有取消行程。唔知點解都幾想去行一轉，無奈我唔識路，自己一個去好似危險咗少少，唯有唸吓有乜好搞。其實最好就係買嘢返屋企整嘢食，上吓網搞吓呢樣搞吓嗰樣就最好，終於我整咗兩款沙律準備聽日攞返工食。









左面係吞拿魚薯仔洋葱沙律，材料除咗嗰三樣主菜之外，仲有粟米、德國煙火腿、cheddar cheese、磨菇，用嘅係BB蛋黄醬。
右面係蟹子蟹柳青瓜沙律，材枓同個名一樣，不過豬Ruby鐘意食菠籮同粟米，上次冇加呢兩樣佢响度瓜瓜叫，所以特登加咗俾佢。
整好後自己試吓味~超正，仲食到唔停得口添。基本上冇難度，切晒撈埋一碟就搞掂，係啲用料要上盛，至係最緊要！所以次次整嘢俾人食，見到佢哋食得滋味個樣，自己都好開心。我唔識煮餸，淨係識整沙律同埋芝士蛋糕，有機會要學整返幾味至得。