阻住晒！

今晚返夜以為順風順水平安渡過，點知原來已經身處最危險嘅地方...話說的士加價，响機塲嘅的士站有人派發一啲單張係將市區的士同新界的士價錢比較，引起民憤嘅係由機塲返新界，搭紅的係平過綠的，你話搞笑唔搞笑？都唔知邊鬼個印埋啲單張，激嬲綠的嘅司機，發起罷駛，仲圍攻機塲
阻塞出九龍通道，包括巴士站。搞到我幾乎環遊世界至返到屋企，局住機鐵去青衣轉東涌線去荔景，再轉荃灣線去旺角再轉調景嶺線去九龍塘，繼而再轉火車入沙田，最後都係要搭多程的士歸家！全程用咗一個鐘九個字，點解咁長時間？咪就係因為班次好疏落囉！話時話好彩唔係塞住入機塲條路咋，如果唔係啲客就慘喇！...