進步

話說小女子都有一段頗長嘅時間冇進步過，講緊乜呢？之唔係我最愛嘅保齡球運動...打波對我嚟講，真係講感覺，叫我睇邊點打，企响邊度打，確實有啲虛無飄渺，所以好多時都係激死Daddy！不過今晚有啲返常，就係打出超水準，三個字~冇得彈！一個唔覺意仲俾我攞咗本週女子最佳進步獎添！嚟個大發雌威！哈哈！上週抽到個波，今週又有獎攞，還得神落咯！