突破

一直以嚟都冇乜點真正練過波，去北京之前同Ronald、Francis打過吓，都叫做練習嘅，過程中突然好似想通咗應該點打；响我心目中，打保齡係打感覺，咁當然都要有基本嘅技術啦！呢幾年嘅比賽我都冇乜精彩嘅表現，久唔久撞吓手神四局中梗會有一兩局打得好，唔係我技術好，只係有運！
今晚嘅比賽，總算冇令大家失望，四局打咗761分，仲有一局high game 253，終於破咗我成年前嘅Record 245，今次仲上埋名，排咗响全季女子一局最高，如果今季一路都冇人破我記錄，到最後我就有個獎杯攞喇！希望我可以再破到自己個記錄啦！我仲想破理Amy四局最高785添呀！假以時日，應該可以呢...哈哈！