我的紀念日

前日我上面個阿Sir話今日會打風，仲話個風一個屈尾十咁吹到正過嚟，叫我同豬豬自己返返自己個更，即係唔好返兩更驚我哋頂唔順，其實我又冇乜所謂，應承咗人返就會返啦，都冇得驚！點知個風真係冇嚟，淨係掛咗個一號風球咁大把！歎咗大半日，惡夢由下晝五點開始嗰一個鐘要到嘅機，無論大機小機乜機物機，總之我哋公司handle嘅都land唔到香港，去晒隔離廣州、深圳、珠海，望出窗外直頭好似打緊八號風球咁，極恐怖！不過最恐怖嘅就係我啲tasks，成個Mon都係，都唔知邊隻打邊隻，啲HX/UO隻隻都唔知幾點開，我啲同事就最慘，俾客鬧到暈，七十位有百幾百客圍住嚟鬧，ASD故之然唔駛講，簡直淪陷沒；APV嘅HX/UO大本營一樣冇好日子過；有隻尊貴嘅SQ865，你好嘢，要我最多人就係你呢隻機！大佬呀，掹大隻眼睛望吓個天啦，我哋啲同事係無辜，駛唔駛鬧晒人全家呢？大家都有爸爸媽媽！我可以做嘅就係盡量俾夠時間俾啲同事食飯，盡量放到佢哋收到工，一切都係盡量，因為有啲嘢我預計唔到亦控制唔到。响珠江三角洲飛過嚟其實只需廿幾三十分鐘，可以話一起飛就要準備降落，亦即係我只有二十分鐘去揾人接機做機，要加人做嘢就同我一句要人，大佬呀，四隻機輪住嚟唔飛落客去酒店，唔係一定有人亦唔會即刻有人，我得一個人一對手一部電腦一隻Mouse一個人腦一把口一對眼晴同一對耳仔，不過有兩個電話要聽，OMG!俾少少空間我執人做機都得掛？最慘就係要執埋第二朝啲duties，九十幾樣嘢要Assist，再同一時段加四隻原本今晚遲到聽朝嘅機要安排人做，大佬呀...半夜三更點揾人返早啲呀？嗰一刻我只係想快啲返屋企，因為我開始有啲頭痛胃痛喉嚨痛~~救命~~最後我三點至走得...剩返佢哋同啲客博鬥...記住仲有隻27仲响深圳按摩緊唔捨得飛返嚟...確實慘絕人寰...
今日係你嘅生日，係我嘅災難日...我呢個災難會唔會係~命中註定百分百會發生嘅事呢？要我記住都唔好咁轟烈吖...無論如何，願你快樂！
**你睇吓我要隔住老細間房至可以望到出面個景!**