成長

現今世代嘅小朋友的確好幸福，要乜有乜，想學啲乜嘢，媽咪爹哋一定支持(咁當然係負擔得到至講啦！)我其中一個表弟今年快將十四歲，成長於一個小康之家，生活當然無憂啦！一直以來都好少同佢接觸，最近响facebook佢add咗我，初時我都唔知佢係乜水！？事關佢張profile pic唔係太清楚，但係佢同我另外兩個响Toronto嘅表弟又係friend喎，再睇真啲原來係我細舅父個心肝！由細到大，佢都俾我一個感覺就係醒目得嚟帶點囂張，仲帶小小多咀，可能係我舅父遺傳俾佢！近排同佢响MSN傾計，講吓生活事又講吓家事，俾我好大感觸~就係我表弟唔再係小朋友，講嘢成熟咗好多，帶點分析嘅頭腦，最近佢响學校swimming gala唔見咗部iphone同都ipod touch，超唔開心，不過佢就係因為咁，而感受到佢身邊嘅同學朋友都好關心佢愛護佢，係大個仔嘅表現吧！至少會識唸先啦！今次又一次証明facebook/msn將人與人之間嘅距離拉近！朋友唔駛成日見成日通話，响FB/MSN上一個簡單嘅問候，己經甜入心！對嗎？