超級無敵>>好好先生

今日要為大家介紹嘅係一個好好先生，佢响我哋部門係最靠得住最幫得手嗰個，有乜唔識有乜難題，佢都會好耐心好細心為你解答，千祈唔好以為佢係一隻悶蛋，响大家聚精會神咁做嘢時，佢必定有啲搞笑嘢講，氣氛當堂輕鬆晒！講到佢老婆就真係幸福到不得了，睌晚都煮飯俾老婆食(咁當然都會出街食啦！)，嘩你唸吓平時佢收工最早都要六點幾啦，一放工就話趕住返屋企陪老婆，駛唔駛咁浪漫呀？真係羨慕死人呀！佢老婆會嘅預產期响呢幾日，而佢亦會暫別我哋呢個大家庭一個月，呢個準爸爸做足晒一切準備，連老坐月要食乜補身都知，真係冇得頂！佢响暫別我哋之前，整咗樣好搞鬼嘅嘢，就係一張張order多士嘅form...

事關我哋晏晝三、四點就會嗌肚餓，一個整多士就個個都話食，邊個整？咪就係我囉！佢話方哽我落單喎！！激死人囉...茶餐廳咩？...不過又真係幾方便嘅，唔會漏單嘛！唔好話我唔介紹你哋食好嘢，原來奶占多好好食！...搞到我食上！
好喇，我响度祝郭Sir個老婆生個聰明伶俐嘅B女，最緊要健康快樂啦！我哋會攬住幾係尿片上去探BB！