好耐都冇試過响MSN一次同四個朋友講嘢，再加埋手攞住個電話傾，真係有啲應接下。琴晚做乜咁受歡迎呢？又叫我食飯又叫我飲嘢，係咪咁掛住我先？做乜咁想約我仲要約實我冇得走雞嗰隻，我都未知返乜又點應承你哋呀大帝？熱情難卻，我會研究研究睇吓邊日OK再confirm你哋喇！
响電話中嘅好友，自從佢轉咗去第二個部門，都好耐冇同佢傾計，佢同我講佢今日响office要dispose塊網球拍時，唸起我。話時話對上一次打網球都係同佢打，都成三、四年前嘅事。大家談天說地，講生活講工作講健康講感情講兩性之間，無所談。大家講到要珍惜身邊嘅人，有時候做朋友未必幫得上乜嘢忙，只要肯細心聆聽，都可以舒解一些痛悲；最有趣都莫過於講兩性之間，我都幾同意佢嘅講法~性生活協調係愛侶或夫妻間一個好嚴重嘅問題，家計會都有話啦。佢講嘅嘢都好有道理，人大咗見嘅嘢遇過嘅事多咗，自然感慨良多。佢間餐廳酒廊開咗好一段日子，佢話揾日去坐吓飲杯嘢relax吓都幾好。
近排响facebook做host搞咗幾個Events，有人參與吓都幾得意，今日又有個舊同事話好耐冇見，要搞吓活動，即係又係叫我做host，認真俾面，可能佢知我無聊掛，好啦好啦，搞搞震我最叻，要大家多多支持呀！嚟緊最快嘅活動將會係我哋傻瓜攝影學會嘅〝走向香港最東〞~東坪洲一日遊攝影團，希望一切順風順水啦！
About Me
