話說上個星期有兩個阿茂約我星期日(即係琴日)去踩單車，點知打俾佢哋兩個都唔鬼聽電話，唯有放棄佢哋，去咗游水啦。點知游完水就收到個傻佬嘅電話，話另外嗰個阿茂入咗醫院。吓？！唔係咁大劑掛？？點解會咁呢？咪就係佢哋成班人上咗深圳飲酒，飲到醉咗跌落地，到醒返至覺手臂痛，係極痛，咪送咗去北區醫院囉，點知原來係右手臂骨折！吓？搞乜鬼鬼飲酒飲到斷手，真係搞唔掂！今日傍晚山長水又遠走入上水探吓隻可憐蟲，精神尚可，右手臂打咗石膏固定隻手，買咗兩支啤酒上去同去洗塵... ... 其實係利賓納至真！都冇叫我坐低，就叫我幫佢袋住包煙同佢落樓下食煙！豈有此理，叫我帶佢去犯法，激死人呀！好啦，依家No Bowling,No Working,No Cycling but only PSP... ... 死未？
正所謂酒精害人，影響一生；再加埋吸煙危害健康！呢個茂利又煙又酒，今次因酒而斷手，下次...真係大吉利是！本人謹在此向各吸煙人士勸告：愛自己愛家人愛朋友愛環境，請向可惡嘅尼古丁Say "NO"；至於酗酒的人士，少飲怡情，大飲亂性呢！總之少飲為妙啦！唔信睇吓左上角張相就係鐵證！
