一年容易又中秋

好耐都冇試過中秋放假，自己request嗰陣都冇唸起原來係中秋，只係唸住是星期日可以成家人去飲茶。中秋節對我哋中國人嚟講除咗冬至同年卅晚，都算係大節！至少公司都有餐飯仔食吓吖！飲完茶返屋住hea一陣，等阿哥車埋我過佢度游水，今年中秋喻為咁多年嚟最熱嘅中秋，成34、35度都有，唔游水又點能夠消到暑吖？就個人而言，做節團年飯我都鐘意响屋企食，除咗唔駛同人迫之外，梗係媽咪煮嘅餸係最好食啦，有錢都食唔到咁靚嘅菜式呀！(睇吓上面幅相都知啦，仲有條東星斑未游出嚟添！)食飽飽之後，打咗四圈衛生麻雀，戰績如何？大獲全勝囉！一個字~勁！